ہوسکتا ہے کہ آنے والے سال میں سعودی عرب دس سال سے کم عمر کے بچوں پر حج کا فریضہ ادا کرنے پر پابندی عائد کردے۔ یہ اطلاع مقامی اخبار میں شائع ہونے والی ایک خبر سے لی گئی ہے جس میں بتایا گیا کہ سعودی عرب کے متعلقہ اداروں نے اس ضمن میں سوچ و بچار شروع کردی ہے تاہم ابھی تک حتمی فیصلہ نہیں کیا گیا۔ اس سخت اقدام کے اٹھائے جانے کے پیچھے جو وجوہات ہیں ان میں سے ایک یہ ہے کہ کروڑوں کی تعداد میں دنیا بھر سے اکٹھے ہوئے مسلمانوں کے اس ہجوم میں بچوں کی حفاظت کرنا ایک مسئلہ ہے اور دوسرا طبی نکتہ نظر سے یہ بات سامنے آئی ہے کہ یہاں بچے انفیکشن کا شکار ہوتے ہیں۔ وزارت مذہبی امور و حج سعودی عرب کے مطابق سینکڑوں لاپتہ بچوں کو ان کے والدین تک پہنچانا ایک مسئلہ بن گیا ہے اس سال ملنے والے لاپتہ بچوں کی بڑی تعداد چھ سال سے کم عمرکی تھی۔ حج پر آنے والے زائرین کی اکثریت اپنے بچوں کو ہمراہ لاتی ہے، ایسے لوگوں میں سب سے زیادہ تناسب برطانیہ سے آنے والے مسلمانوں کی ہے