سعودی عرب میں حال ہی میں گرفتار کیے گئے مشتبہ دہشت گردوں کے بارے میں یہ اطلاع سامنے آئی ہے کہ ان میں سے بعض شامی صدر بشارالاسد کے ایجنٹ ہوسکتے ہیں۔ان مشتبہ افراد کی کئی ماہ کی کڑی نگرانی کے بعد گرفتاری عمل میں آئی ہے۔سعودی اخبارکی رپورٹ کے مطابق سعودی سکیورٹی فورسز گذشتہ نو ماہ سے شامی نیٹ ورک کی مشتبہ دہشت گردی کی سرگرمیوں کی نگرانی کررہی تھیں اور حکام نے گذشتہ دسمبر کے بعد اڑتالیس شامیوں کو گرفتار کیا ہے۔ان میں سے گیارہ زائرین کے طور پر سعودی مملکت میں داخل ہوئے تھے۔سعودی وزارت داخلہ نے اپنے بیان ان مشتبہ افراد پر عاید کردہ الزامات کو ظاہر نہیں کیا لیکن گذشتہ کئی ماہ کی کڑی نگرانی کے بعد ان کی گرفتاری اس بات کی غماز ہے کہ وہ صدر بشارالاسد کی حکومت کے ایما پر دہشت گردی کی کارروائیوں کی منصوبہ بندی کررہے تھے۔اس وقت سعودی جیلوں میں بند شامیوں کا تعداد کے لحاظ سے غیرملکی قیدیوں میں یمنیوں کے بعد دوسرا نمبر ہے۔ یمنی قیدیوں کی تعداد ایک سو نواسی ہے۔سعودی عرب کی وزارت داخلہ نے منگل کو یہ اطلاع دی تھی کہ اس نے غیرملکی دہشت گرد گروپوں سے تعلق کے الزام میں اٹھاسی مشتبہ افراد کو گرفتار کرلیا ہے