Wednesday 22 October 2014

سعودی عرب میں حکام نے جنوری میں دو جرمن سفارت کاروں پر حملے کے الزام میں دو اور مشتبہ افراد کو گرفتار کر لیا ہے۔سعودی عرب کے مشرقی صوبے میں 13 جنوری کو جرمن سفارت کاروں کی دو کاروں پر مسلح افراد نے فائرنگ کردی تھی۔تاہم دونوں سفارت کار اس حملے میں محفوظ رہے تھے۔اس صوبے میں ملک کی شیعہ اقلیت اکثریت میں آباد ہے۔سعودی وزارت داخلہ کے ترجمان نے ایک بیان میں کہا ہے کہ ایک ملزم احمد بن حسین العرابی کو فروری کے آغاز میں گرفتار کیا گیا تھا۔اس نے دوران تفتیش حملے میں ملوث ہونے کا اعتراف کیا تھا اور اپنے دوسرے ساتھیوں کے نام بھی بتا دیے تھے۔ان میں سے ایک کو بعد میں گرفتار کرلیا گیا تھا۔ترجمان نے مشرقی صوبے میں تشدد کے الزام میں مطلوب تین دیگر افراد سے بھی کہا ہے کہ وہ خود کو حکام کے حوالے کردیں۔ان تینوں کے نام سعودی عرب کو مطلوب تئیس افراد کی فہرست میں شامل ہیں۔ترجمان نے دو اور سعودیوں کو بھی خود کو حکام کے حوالے کرنے کے لیے کہا ہے مگر ان کے نام اس فہرست میں شامل نہیں ہیں


No comments:

Post a Comment

If You Like This Post. Please Take 5 Seconds To Share It.


comments please

SEND FREE SMS IN PAKISTAN