زم زم کے مقدس چشمے کا پانی تمام دنیا کے حاجی بطور تبرک اپنے ساتھ لے جاتے ہیں اور اسے حج کے قیمتی ترین تحفوں میں سے ایک سمجھا جاتا ہے۔زم زم کی بے پناہ طلب کے باعث سعودی حکومت نے اب اس کی مقدار متعن کر دی ہے اور ہر حاجی زیادہ سے زیادہ 5لیٹر مقدس پانی ساتھ لے جاسکے گا یہ پانی بوتلوں میں بند کر کے حاجیوں کو ائرپورٹ پر فراہم کیا جائے گا اور اس مقصد کیلئے ائرپورٹوں پر 10مقامات متعین کر دئے گئے ہیں۔زم زم پر اجیکٹ کے ڈائریکٹر سعید مسفر الوادی کا کہنا ہے کہ حالیہ حج سیزن کے لئے سات کروڑ 80لاکھبوتلیں تیار کی گئیں مختلف ممالک کے حجاج نے زم زم مقدار محدور کرنے پر مایوسی کا اظہار کیا ہے ۔ان کا کہنا ہے کہ وہ اپنے پیاروں کیلئے مقدس زم زم کا تحفہ زیادہ سے زیادہ لے جانے چاہتے ہیں اور محض پانچ لیٹر کی بوتل نا کافی ہے