گینز بک آف ورلڈ ریکارڈ

گینز بک آف ورلڈ ریکارڈ کی طرف سے جدہ میں سعودی پرچم لہرانے والے لمبے بانس کو دنیا کے سب سے بڑے فلیگ پول کے طور پر تسلیم کر لیا گیا ہے ۔ سعودی حکومت کی طرف سے شہزادہ مشعل بن مجید نے چوراسیویں قومی دن کے موقع پر قومی پرچم لہرانے کی تقریب کی صدارت کی۔ 171.4میٹر لمبا یہ بانس جس پر 1.635 مربہ میٹر سعودی جھنڈا لہرا رہا ہے حرمین شریفین اسکوائر میں نصب ہے اور 26000 مربہ میٹر کا علاقہ گھیرے ہوئے ہے۔گینز بک آف ورلڈریکارڈ کے سرکاری عہدیدار پریون پٹیل نے اعلان کیا ہے کہ یہ فلیگ پول ریکارڈ قائم کرنے کے لئے ضروری تمام خصوصیات کا حامل ہے انہوںنے جدہ میونسپلٹی اور عبداللطیف جمیل کمیونٹی کے رضا کاروں کی اس کامیاب منصوبے کی دیکھ بھال کرنے پر تعریف بھی کی۔ اس موقع پر ان کا کہنا تھا کہ اس منصوبے کی تکمیل پر میں خود کو مبارکباد پیش کرتا ہوں یہ ہماری قوم کے لئے ایک عظیم دن ہے اور اللہ کا بے حد شکر گزار ہوں کہ اس نے ہم پر اپنی رحمتیں نازل کیں۔