سابق امریکی سفارتکار اور لندن میں قائم انٹرنیشنل انسٹیٹیوٹ فار سٹرٹیجک سٹیڈیز کے سکالر مارک فٹز پیٹرک نے کہا ہے کہ مغربی طاقتوں کو چاہئے کہ وہ پاکستان سے خطرات سے نمٹنے کیلئے بھارت کی طرح پاکستان سے بھی نیوکلیئر ڈیل پر مذاکرات کریں۔ اپنی کتاب میں انہوں نے کہا پاکستان نے نیوکلیئر ہتھیاروں کے تیزی سے بڑھنے کے حوالے سے خبردار کرتے ہوئے کہا کہ 2020ء تک ان ہتھیاروں کی تعداد 200 ہوجائیگی۔ انہوں نے کہاکہ وقت آ گیا ہے کہ بھارت کی طرح پاکستان کو بھی تعاون پر مبنی نیوکلیئر ڈیل کی جائے۔ انہوں نے پاکستان کو ذمہ دار جوہری ریاست قرار دیا۔ انہوں نے کہا کہ نیوکلیئر ڈیل کے بدلے پاکستان سے فیزائل میٹریل اور سی ٹی بی ٹی پر بھی بات کی جائے۔ انہوں نے کہا ہے ایسا منظرنامہ کہ انتہاپسند نیوکلیئر ہتھیاروں پر قبضہ کرلینگے۔ بات کو بڑھا چڑھا کر کرنے والی بات ہے۔ انہوں نے اس بات سے اتفاق نہیں کیا کہ پاکستان، سعودی عرب کو ایٹمی ہتھیار دیگا کیونکہ وہ کسی پڑوسی سے جنگ مول نہیں لینا چاہتا۔