Wednesday, 26 March 2014

روس کے نشریاتی ادارے نے اپنی رپورٹ میں دعویٰ کیا ہے کہ پاکستان کو سعودی عرب کی جانب سے ملنے والے ڈیڑھ ارب ڈالر کا مبینہ "تحفہ" رواں صدی کے اہم ترین پاکستان ایران گیس پائپ لائن منصوبے کی راہ میں بڑی رکاوٹ بن گیا ہے، اس بھاری رقم نے پاکستان کا رخ یکسر ایران سے دوسری طرف پھیر دیا، سعودی حکومت نہیں چاہتی کہ پاکستان ایران کے توانائی کے وسائل پر تکیہ کرنے لگ جائے، سعودی رقم سے پاکستان کی معیشت کو سنبھالا مل گیا تاہم تہران سے یہ امکان چھن گیا ہے کہ وہ توانائی کے وسائل کے توسط سے پاکستان پر اثر انداز ہو سکے، "گیس پائپ لائن" ایک بار پھر خطے میں مصالحت سے گریزاں ملکوں ایران اور سعودی عرب کی خطے پر اثر انداز ہونے کی مسابقت کی بھینٹ چڑھ گئی، ایران پاکستان کے موجودہ موقف پر انتہائی ناراض ہے۔ گذشتہ روز اپنی رپورٹ میں روس کے نشریاتی ادارے نے کہاکہ جب گذشتہ سال مارچ میں سابق صدر آصف علی زرداری اور ان کے ایرانی ہم منصب محمود احمدی نژاد نے ایران پاکستان گیس پائپ لائن کے پاکستانی حصے کی تعمیر پر اتفاق کیا تھا تو تب یہ منصوبہ بہت زیادہ پر از توقعات لگا تھا تب تک ایران نے نہ صرف اپنی جانب 900 کلومیٹر طویل گیس پائپ لائن بچھا دی تھی بلکہ وعدہ کیا تھا کہ وہ پاکستان کو 50 کروڑ ڈالر بطور قرض بھی دے گا جو پاکستان کے حصے میں ساڑھے سات سو کلومیٹر طویل پائپ لائن بچھائے جانے کے اخراجات کا ایک تہائی ہوتا۔ رپورٹ کے مطابق ایسا کیا ہوا ہے کہ اسلام آباد کا رخ یکسر پھر گیا ہے؟ اس سلسلے میں ایک روسی مبصر مبصر سرگئی تومن نے کہاکہ بہت ممکن ہے کہ پاکستان کے ایران گیس پائپ لائن کے حوالے سے اپنی ذمہ داری سے اچانک انکار کرنے کی وجہ خفیہ جغرافیائی سیاسی نوعیت کی ہو، ایران کے خلاف پابندیوں کا محض سہارا لیا گیا ہے۔ یہ بات اپنی جانب توجہ مبذول کراتی ہے کہ ایران سے پاکستان نے رخ اس ڈیڑھ ارب ڈالر کے "تحفے" کے بعد پھیرا، جو اسے سعودی عرب کی جانب سے ملا ہے۔

If You Like This Post. Please Take 5 Seconds To Share It.

comments please

Follow by Email

SEND FREE SMS IN PAKISTAN