سعودی عرب کے علاقے الجوف میں خاتون نے دوسری شادی رچانے والے خاوند کو گولیاں مار کر موت کی نیند سلا دیا ہے۔العربیہ نیوز کی رپورٹ کے مطابق مذکو رہ خاتون اپنے خاوند کی دوسری خاتون سے شادی پر نالاں تھی اور اس نے اس شادی کے چند روز کے بعد ہی اپنے شوہر اور اس کی نوبیاہتا د±لھن پر اندھا دھند فائرنگ کردی۔خاوند کو متعدد گولیاں لگی تھیں جس سے وہ موقع پر ہی ہلاک ہوگیا ہے اور اس کی دوسری بیوی کو شدید زخمی حالت میں اسپتال منتقل کردیا گیا جہاں اس کی حالت تشویش ناک بتائی جاتی ہے۔واضح رہے کہ سعودی عرب میں مردوں کو بیک وقت چار تک شادیاں کرنے کی اجازت ہے لیکن بعض اوقات دوسری یا تیسری شادی بیوی کی فائرنگ کا نشانہ بننے والے اس خاوند کی طرح مرد حضرات کے لیے مشکلات کا سامان لے کر بھی آتی ہے اور ان کے ہنستے بستے گھر اجڑ جاتے ہیں