سعودی ائیر لائن کا انوکھا اور اچانک فیصلہ،10لیٹر زم زم لانے پر پابندی عائد کر دی5لیٹر کی دو بوتلیں لانے کی اجازت کی اطلاع حاجی کو ائیر پورٹ پہنچنے پر دی گئی جب وہ 10لیٹر کی بوتل مکہ سے لے کر ائیر پورٹ پہنچے ،سعودی ائیر لائن سے آنے والے پہلی فلائٹ سے آج تک 1500حجاج کرام کا انمول تحفہ زم زم لانے سے محروم رہے اور سعودی ائیر لائن نے جدہ میں سامان بک کروانے اور لوڈنگ پاس حاصل کرنے کے نظام کو بھی دو حصوں میں تقسیم کر دیا جس سے حجاج کرام کو سخت کوفت کا سامنا کرنا پڑ رہا ہے،بظاہر سامان تولہ نہیں جا رہالیکن زم زم لانے کی پابندی سے حجاج کرام سخت پریشانی میں مبتلا ہو گئے ہیں ،گزشتہ روز حجاج کرام نے جدہ ائیر پورٹ پر احتجاج بھی کیا اور زم زم لانے کی اجازت کا مطالبہ بھی کیا،ائیر پورٹ انتظامیہ اور سعودی ائیر لائن کا عملہ نہ کسی قسم کی رہنمائی کرنے کے لیے تیار ہے اور نہ حجاج کرام کے سامان گاڑیوں سے اتارنے اور نہ بکنگ کی رہنمائی کے لیے موجود ہے سعودی ائیر لائن کی طرف سے اعلان کیا گیا ہے کہ ہر حاجی 10لیٹر زم زم لا سکتا ہے مگر اس کے لیے5-5کلو کے پیک شدہ کین لانا ضروری ہو ں گے