سعودی عرب کے ایک نوجوان کا اپنی موت کے بارے ٹوئٹر پر کیا گیا اظہار خیال حقیقت کا روپ دھار گیا اور موت کا ذکر کرنے کے چند دن بعد واقعی موت نے اسے آلیا۔ اکیس سالہ ناصر الصبائی مغربی شہر مکہ کے قریب ایک موٹروے پر محو سفر تھا کہ اس کی کار ایک دوسری گاڑی سے خوفناک دھماکے کے ساتھ ٹکرا گئی اور وہ زخموں کی تاب نہ لاتے ہوئے چل بسا۔ اخبار ”صدا“ کا کہنا ہے کہ ناصر ن ے چند یوم قبل ٹوئٹر پر اپنی موت کا خدشہ ظاہر کیا تھا لیکن کسی نے سوچا بھی نہیں تھا کہ یہ بات ایک دردناک حقیقت بن جائے گی۔ اس نے ٹوئٹر پر لکھا تھا، ”مجھے شاعری پسند ہے اور میں جو پڑھتا ہوں اسے تحریر میں لاتا ہوں .... یہ میری زندگی کا اکیسواں صفحہ ہے اور کون جانتا ہے کہ یہ کتاب عنقریب بند ہوجائے“ قسمت کا ستم ظریفی دیکھنے کو یہ کتاب واقعی اکیسویں صفحے پر ہی ختم ہوگئی۔