سعودی شہریوں کی طرف سے یوم پاکستان کے سلسلے میں آج جمعرات 10 اپریل کی رات جدہ میں ایک شاندار تقریب کا اہتمام کیا جارہا ہے۔ سعودی دانشور، رائٹرز، صحافی، تاجر، خواتین و حضرات اور سینٹ میں قائد ایوان راجہ ظفرالحق بھی شرکت کریں گے۔ سعودی مجلس شوریٰ کے سابق رکن او ررابطہ عالم اسلامی کے سربراہ ڈاکٹر عبداللہ نصیف خصوصی طور پر شرکت کررہے ہیں۔ ڈاکٹر عبداللہ عمر نصیف اور دیگر سعودی دانشور پاکستان اور سعودی عرب کے گہرے دیرینہ اور تاریخی تعلقات پر اظہار خیال کریں گے۔ پاکستانی اور سعودی بچے اس موقع پر ثقافتی پروگرام بھی پیش کریں گے۔