لاہور میں زیادتی کا نشانہ بننے والی 5سالہ بچی کو ڈاکٹرز نے مکمل طور پرصحت مند قرار دے دیا

لاہور میں زیادتی کا نشانہ بننے والی 5سالہ بچی کو ڈاکٹرز نے مکمل طور پرصحت مند قرار دے دیا۔اسپتال ذرائع کے مطابق مطابق ڈاکٹروں کے پینل نے متاثرہ بچی کا طبی معائنہ کیاجس کے بعد ڈاکٹروں نے بچی کو گھرجانے کی اجازت دے دی جبکہ بچی کے اہل خانہ کا اصرار ہے کہ ملزموں کی گرفتاری اور سیکیورٹی کلیئرنس کے بعد بچی کو گھر لے کر جائیں گے۔اسپتال ذرائع کا کہنا تھا کہ سیکیورٹی وجوہات کے باعث بچی کو وارڈ میں نہیں رکھا جاسکتا، جب تک بچی اسپتال میں ہے اسے آئی سی یو میں ہی رکھا جائے گا۔دوسری جانب اس کیس کے حوالے سے حراست میں لیے گئے 2 پولیس اہل کاروں کو رہا کردیا گیا۔ پولیس کے مطابق بچی کے رشتے دار عابد اور اس کے ساتھی کوچندروزقبل حراست میں لیاگیا جبکہ ظفر اور عامر شہزاد نامی افراد کو بھی رہا کر دیا گیا۔ پولیس کا کہنا ہے کہ ملزمان کو رپورٹس نیگیٹو آنے کے بعد چھوڑاگیا۔ بچی زیادتی کیس کا دائرہ کار دیگر شہروں تک بڑھانے اور وہاں ایسے مقدمات میں ملوث ملزموں کو شاملِ تفتیش کرنے کا بھی فیصلہ کیا گیا ہے