کابینہ کی کمیٹی برائے نجکاری نے پی آئی اے سمیت 31 سرکاری اداروں کے نجکاری کا فیصلہ کیا ہے

کابینہ کی کمیٹی برائے نجکاری نے پی آئی اے سمیت 31 سرکاری اداروں کے نجکاری کا فیصلہ کیا ہے ، ان ا داروں کے 26 فی صد حصص فروخت کئے جائیں گے۔وفاقی وزیر خزانہ اسحاق ڈار کی زیر صدارت کابینہ کی کمیٹی برائے نجکاری کا اجلاس اسلام آباد میں ہوا جس میں 31 سرکاری اداروں کی نجکاری کا فیصلہ کیا گیا ہے۔ ان اداروں کے 26 فی صد حصص فروخت کئے جائیں گے۔ذرائع کے مطابق جن اداروں کی نجکاری کا فیصلہ کیا گیا ان میں پی آئی اے ، پاکستان اسٹیل ، بجلی کی تقسیم کار کمپنیاں اور یو بی ایل سمیت دیگر ادارے شامل ہیں۔ ذرائع کے مطابق اجلاس میں بعض کمپنیوں کا انتظامی امور بھی نجی شعبے کے حوالے کردیا جائے گا۔اجلاس میں یو بی ایل اور ایم سی بی کے مزید 26 فی صد حکومتی حصص فروخت کرنے کا فیصلہ بھی کیاگیا ہے