امریکی سفیر رچرڈ اولسن نے کہا ہے کہ پاکستان کو سول جوہری ٹیکنالوجی فراہم کرنے کے لیے امریکا اعلیٰ سطح پر غور کررہا ہے

پاکستان میں امریکی سفیر رچرڈ اولسن نے کہا ہے کہ پاکستان کو سول جوہری ٹیکنالوجی فراہم کرنے کے لیے امریکا اعلیٰ سطح پر غور کررہا ہے جبکہ طالبان کے ساتھ جنگ جیسی کارروائیوں کا اختتام مذاکرات پر ہی ہوتا ہے۔ امریکی سفیر رچرڈ اولسن نے کامران خان کو انٹرویو دیتے ہوئے کئی اہم انکشافات کئے۔امریکا نے سات سال پہلے پاکستان کوٹھینگا دکھایا اور بھارت سے2006ء میں سول نیوکلیئر ٹیکنالوجی دینے کا معاہدہ کیا، لیکن اب پاکستان کو بھی سول نیوکلیئر ٹیکنالوجی دینے کے لیے بات چیت اعلیٰ سطح پر شروع کردی ہے، ان کاکہنا تھا کہ پاکستان اپنے جوہری ہتھیاروں کی نگرانی موثر انداز میں کررہا ہے۔امریکی سفیر نے کہا کہ افغان امن عمل میں پاکستان کے کردارکوسراہتے ہیں۔ پاکستانی طالبان کے ساتھ مذاکرات کا فیصلہ پاکستان کو کرناہوگا۔امریکا تسلیم کرتا ہے کہ ایسی جنگوں کا اختتام مذاکرات پر ہوتا ہے۔