سعودی عرب میں پاکستانی کا سر قلم

تفصیلات کے مطابق، الطاف حسین نامی شخص نے اپنے ہی ایک ہم وطن کے گلے کو تیزدھار آلے سے نشانہ بنایا تھا جس سے وہ ہلاک ہوگیا تھا۔ حکومتی نیوز ایجنسی ایس پے اے نے وزارت کے حوالے سے بتایا ہے کہ ان کا یہ جرم ثابت ہوگیا جس پر اتوار کی صبح سزائے موت دی گئی تھی۔

سرقلم کرنے کی اس سزا کے ساتھ ہی  اس سال سعودی عرب میں اس عمل کے ذریعے سزائے موت پانے والے افراد کی تعداد چوہتر ہوگئ ہے۔ انسانی حقوق کی تنظیم ایمنیسٹی انٹرنیشنل کے مطابق دو ہزار گیارہ میں  سعودی عرب میں اناسی افراد کو موت کی سزا دی گئی تھی۔

سعودی عرب میں شرعی قوانین کے تحت قتل، زنا، مسلح ڈکیتی اور ڈرگ اسمنگلنگ پر سزائے موت دی جاتی ہے