سعودی عرب میں عراق سے ملحقہ سرحد پر فائرنگ اور خودکش حملے میں بارڈر گارڈز کے کمانڈر سمیت دو اہلکار ’شہید‘ اور تین زخمی ہوگئے جنہیں ہسپتال منتقل کردیاگیا۔ سعودی وزارت داخلہ کے مطابق عراق سے ملحقہ سرحد پر ارارکے قریب گشت پر موجود اہلکاروں پر شدت پسندوں نے فائرنگ کردی جس پر جوابی کارروائی کرتے ہوئے سیکیورٹی اہلکاروں نے ایک ملزم کو پکڑلیا لیکن اِسی دوران اُس نے خود کو اُڑالیا۔ مقامی اخبار’الوطن ‘ نے کہاکہ مرنیوالوں میں بریگیڈیئرجنرل آﺅدہ البلوی بھی شامل ہے اور وہ بارڈر گارڈ کے شمالی زون کے کمانڈرتھے ۔ واضح رہے کہ عراق و شام میں’داعش‘ کیخلاف امریکہ کی زیرقیادت جاری آپریشن میں سعودی عرب میں شامل ہے جس پر سعودی عرب میں جوابی کارروائیوں کی دھمکیاں دی گئی تھیں ۔