سعودی میڈیا کے مطابق مذہبی پولیس نے دارالحکومت میں ایک امریکی خاتون کو حراست میں لے لیا ہے۔ تفصیلات کے مطابق خاتون کی عمر 40 سال سے زائد ہے۔ ”صدا“ اخبار کے مطابق یہ خاتون ایک گاڑی میں اپنے 28 سالہ سعودی عاشق سے ملاقات کررہی تھی کہ مذہبی پولیس نے جوڑے کو پکڑ لیا۔ بتایا گیا ہے کہ جب سعودی شہری امریکہ میں زیر تعلیم تھا تو اس کی خاتون سے دوستی ہوگئی اور اس کی دعوت پر ہی وہ سعودی عرب آئی تھی۔ حکام کا کہنا ہے کہ معاملہ کارروائی کیلئے متعلقہ حکام کو بھیج دیا گیا ہے اور کسی فیصلے تک جوڑا قانون کی تحویل میں ہی رہے گا۔