Monday, 19 May 2014

19 مئی 2014 (20:32) جدہ(بیورورپورٹ)سماجی رابطوں کی ویب سائٹ ٹوئٹر نے معذور سعودی نوجوان کی قسمت کھول دی۔ ابراہیم نامی سعودی نوجوان ڈیڑح سال قبل ایک حادثے میں معذور ہوگیا تھا۔ کئی ماہ سے گھر والوں نے بھی اس کی طبیعت پوچھنا چھوڑ دی اور سرجری کرانے کی رقم اس کے پاس نہ تھی، ایسے میں اس نے ٹوئٹر پر ایک ٹویٹ کی جس میں اپنے چند ”فالورز“ سے درخواست کی کہ آکر اس کی عیادت کرلیں۔ اس کا خیال تھا کہ شاید کوئی اس سے ملنے آجائے، لیکن اس کی ٹویٹ کے بعد سوشل میڈیا پر تو جیسے طوفان آگیا اور دیکھتے ہی دیکھتے یہ سعودی عرب کا سب سے زیادہ ری ”ٹویٹ“ کئے جانے والا پیغام بن گیا۔ صرف 24 گھنٹوں میں اسے دو لاکھ سے زائد مرتبہ ری ٹویٹ کیا گیا اور پھر ”کنگ خالد یونیورسٹی ہسپتال“ میں تو جیسے ملاقاتیوں کا تانتا بندھ گیا۔ ہسپتال کو بالآخر تمام ملاقاتیوں پر پابندی عائد کرنا پڑی، اسی طرح لوگوں نے اس کے علاج کے لئے درکار ایک لاکھ تیس ہزار ڈالر کی خطیر رقم بھی عطیہ کردی۔ اب ابراہیم سرجری کے لئے جرمنی جائے گا۔

If You Like This Post. Please Take 5 Seconds To Share It.

comments please

Follow by Email

SEND FREE SMS IN PAKISTAN